حظي اللي كل ماقلت انا .... عله يزين

صادفه عاروض وقفى يعود في بلاه


شاف من وقته عذابه على مر السنين

شايبن رسه وعمره توهج في صباه


اه ياقلبن تعود على صوت الونين

كل ماجريت ونه تريح من عناه


مايسلي خاطري كود رجمن مستبين

اصله بالرجل لو كان عسرن مبتداه


ياوجودي وجد من صار له مده سجين

ينتظرمردود عفوه على ايدين اخصماه


اتصبر بس ما ودي الخافي يبين

مل قلب باح سده وبذيتوا خفاه


امحلت عيني من اعدود براق الجبين

لو يوافق دمعها وادي ازروعن سقاه


اشعفتني مثل ماتشعف الخلج الحزين

عقب فقد احوارهاارزمت له من غلاه

جر قلبي ونمزع من عروقه مزعتين

يوم شاف اللي يوده على الصالي حداه......