السلام عليكم اخواني واخواتي
من كم يوم مريت على موقع اسلام اون لاين وحبيت اشوف شو في اسئلة جديدة من فتاوي ...
لفت انتباهي سؤال اخ وراح انسخه الكم
((((((((((((((من كم يوم مريت على موقع اسلام اون لاين وحبيت اشوف شو في اسئلة جديدة من فتاوي ...
لفت انتباهي سؤال اخ وراح انسخه الكم
زائر فلسطيني - فلسطين الاسم عاطل عن العمل الوظيفةالسلام عليكم فضيلة الشيخ ..
كنت حابب استفسر عن شغلة اتمنى تعطيني فيها فتوة تريح قلبي.. الحين في الوقت الحالي منتشر قصة الفيز المضروبة على الانترنت يعني .. افوت على موقع اجنبي متل الامريكان وغيرهم واشتري اغراض منهم اي شي ممكن كاميرات ممكن لاب توب ممكن ملابس ولما اجي احط رقم الفيزا كارد بحطها مضروبة وفي مواقع بتقبل هادي الفيز وفعلا بتبعت الاغراض بعدين بتكتشف انها مزيفة .. السؤال هل حرام؟؟ سرقة الكفار؟بالطريقة هادي؟؟ انا بحثت على النت لقيت عدة اراء من شيوخ في قاله اللي ارضه محتلة زي فلسطين والعراق مسموح الهم وحلال اي اشي بيوصلهم لانو ارضهم محتلة وهادي من حقوقهم .. ونظرا لظروفنا احنا فعلا الحين بفلسطين وخصوصا بقطاع غزة مافي شيء بدخل علينا من بضائع او مصاري ووضعنا كتير تعبانة والشيء الوحيد المسموح دخوله الطرود يعني هادي الشغلات اللي بتصول لانها جاية من عند الاجانب الامريكان عشان هيك بسمحو بدخولها .. ارجوك يا فضيلة الشيخ تساعدني بفتوة تريحني ..لانو انا استخدمت هادي الطريقة ووصلني اكتر من غرض وانا من فلسطين - قطاع غزة.. والسؤال الثاني اذا كان ردك انه حرام ؟؟ ايش اعمل انا باللي وصلني راح يضل محسوب علي بحياتي انه دخلت على بيتي مال حرام؟؟ شو الحل وشو اعمل ؟؟ وطبعا لو بدك تقولي اطلع مصاري قد ما اقدر حق هدول الاغراض صعب مافي شغل وما في دخل ولو بدك تقولي حاول ترجعها طبعا هادا اصعب واصعب لانو مافي طريقة .. واسف يا شيخنا اني طولت عليك بسؤالي بس اكيييييد في شباب كتير زيي محتاجين لهادي الفتوى وببحثه متلي كتير بالنت وبكرر شكري لك )))))))))))
هادا كان السؤال ورد عليه الأستاذ محمد سـعدي هادا الرد
((((((((بسم الله والحمد لله والصلاة والسلام على رسول الله وبعد:
أيها السائل الكريم من حق أهل فلسطين أن يجاهدوا حتى يستردوا حقوقهم وعلى رأس هذه الحقوق حق اللاجئين في العودة إلى ديارهم، وحق الفلسطينيين في أن تكون لهم دولة ذات سيادة كاملة، ولكن أيها السائل الكريم استرداد هذا الحق لا يكون بسرقة الأفراد من الأفراد عبر شبكة الانترنت، فإن الشركة الأمريكية التي قمت باستغلالها قد تكون بعيدة كل البعد عما يجرى من أحداث في الشرق الأوسط، وليس لها أدنى دور في الصراع الدائر، فإذا أنت قمت بسرقتها عبر القرصنة الاليكترونية فإنك تكون قد أسأت لنفسك ولأمتك الإسلامية ولطبعت في أذهانهم صورة سيئة عن المسلمين في وقت نحن المسلمين أحوج ما نكون فيه إلى تنقية الصورة الذهنية المأخوذة لنا في الغرب اللا منتمي إلى طرف من أطراف الصراع.
أيها السائل الكريم نحن ننكر على الناس سلب حقوقنا فهل نقوم بسلب حقوق الناس؟!، وعلى هذا فما حصلت عليه هو حرام لا يجوز لك أخذه ولا الانتفاع به والواجب عليك إعادته مرة أخرى لاصحابه أو إعادة قيمته.. متى ؟ كيف؟ كل هذا عائد لك واعلم أن هذا في رقبتك حتى يسامحك فيه أربابه أو تعيد الحق لأصحابه.
والله أعلم. )))))))))))))))))))
طيب انتو شو رايكم حلال والا حرام؟؟؟ وطبعا العلماء المجتهدين اختلفو باراءهم يارتى في شيخ تاني بحلل هادا الشيء؟؟ واكيد انتو عارفين انو هان بفلسطين منتشرة القصة هادي كتير الشرية عن طريق النت بالنصب ؟؟؟
شو رايكم نحاول احنا نجمع اكتر من فتوى من اكتر من شيخ ونوصل لحل مناسب ..
يعني كل واحد بعرف شيخ ممكن يفتي يسالو بخصوص هادا الموضوع ويكتبلنا ردو هون
بتمنى اكون ما ازعجتكم وياريت الاقي تفاعل بالموضوع
منقـــــــــــــــــــــــــووووول
شو رايكم نحاول احنا نجمع اكتر من فتوى من اكتر من شيخ ونوصل لحل مناسب ..
يعني كل واحد بعرف شيخ ممكن يفتي يسالو بخصوص هادا الموضوع ويكتبلنا ردو هون
بتمنى اكون ما ازعجتكم وياريت الاقي تفاعل بالموضوع
منقـــــــــــــــــــــــــووووول
تعليق