تويت
ياحكومة تعبنا ومش قادرين -----
ياحكومه تعبنا ومش قدرين
للشاعر | محمد عوف محمد
****************************
ياحكومه تعبنا ومش قادرين
بنسأل واللى يجاوب مين
جوه كنيسه أخويا بيصلى
ييجى خسيس يضرب ويولى
ولامتى لصوت الحق نعلى
مينا وبطرس دول إخواتنا
طول العمر سوى فى بيوتنا
على طبليه وطبق واحد
ورغيف مقسوم بمحبتنا
أيد واحده مسيحى ومسلم
كل يوم على بعض نسلم
وفى ليالى الصيف الحلوه
بنسهر نضحك ونتكلم
فى كل مكان عايشين مع بعض
بقلوب مليانه حب وود
وبنبنى فيه بأمانه وجهد
واللى يفكر لينا يهد
حيلاقى فى طريقه مليون سد
مسلم ومسيحى يامصر ولادك
بإيد واحده حايبنوا أمجادك
وإن راح منا يامصر شهيد
حاتولدى غيره إبن جديد
وحانرفع رايتك ونعليها
وبكره يامصر حاييجى العيد
تعليق