حلقات متواصلة يكتبها الثلاثي الناري
سيف الصاعقة - فتحاوي للأبد - فاااااااااادي
الحلقة الاولى....
الدنيا الصبح وام العبد صاحية من النوم بتجبد ، وبتقول يا فتاح يا عليم يا رزاق يا كريم ، يا ترى هالطيارات اللي في الجو بدها ترمي بلاها على مين اليوم ، يعني كان لازم تضربوهم قبل رمضان (بتهمس في سرها )
بتسمع صوت من وراها ، بتشوف ابو العبد صحي من النوم
ابو العبد : يلا يا مرة حضرتي افطار اليوم
ام العبد : ليش على اساس انك معزوم برة اليوم كالعادة
ابو العبد : ااه معزوم بس انتي عارفه باجوع كثير
ام العبد : يا راجل ارحم حالك شوية شوف وزنك قديش صار صرنا مضحكة في الملتقي الفتحاوي كل يوم بيحكوا راح البغل هنية واجي البغل هنية .
ابو العبد : سيبيكي منهم اسكتي ما بتعرفي شئ اصلا لازم المسئول يكون كرشه كبيرة وجاهه يعني .
ام العبد : الله يرحم ايام زمان جسمك كان حلو رياضي .
ابو العبد : طول عمري رياضي وكنت بالعب بفريق الحارة وصرت وزير للشباب والرياضة .
ام العبد : يا راجل علشان كنت تلعب بالحارة خلص لازم تصير وزير انت بتفكر وزارة الرياضة بس كرة قدم .
ابو العبد : شكلك من تيار دايتون روقي شوية بلاش حد يسمعك ، كتائب القسام حاطة في كل بيت جهاز تجسس .
ام العبد : خلص لا دايتون ولا دحلان ما بدي احكي ، بس انت سمنت من قلة المشي طول يومك بتلفلف بسيارة الرئاسة الله يرحم البسكليت اللي كنت تلف عليه .
ابو العبد : ايش قصدك نكشف الاوراق والوثائق مهو انتي كنتي تروحي تتسوقي على كارة بحمار والان بطلتي وكل مشوار الك حتى عندك جارتك حسنية بتروحيلها بسيارة الرئاسة وكمان بتلمي نسوان الحارة وبتطششيهن بسيارات الرئاسة على البحر .
ام العبد : طيب مش مرة رئيسة الوزراء ولازم اشخص على نسوان الحارة واقهرهن لانه حسنية جارتي كانت دايما تعايرني انه زوجها عنده سيارة فيات وزوجي عنده بسكليت والان عنا شبح ومرسيدس وبي ام ابصر شو ، وبعدين الك فترة ما سافرت برة تجيبلنا هدايا روح اتشطر شوف ابو مازن كل يوم ببلد .
ابو العبد : قريب جدا حخلي العالم يجري ورايا .
ام العبد : ليش بدك تسرق شئ وتهرب .
ابو العبد : لا قصة السرقة بسيطة باخد اللي بدي اياه وبحط رجل على رجل ما حد بيقدر يحكي . بكرة حتشوفي زوجك ايش حيعمل بس ببعتلي شاب يفجر حاله في اسرائيل بيصير الكل يترجاني ويقلي تعال نقعد ونتحاور.
ام العبد : يا حرام عليك تضيع اولاد الناس هيك .
ابو العبد : العز اللي انتي فيه كله من وراه هالقصص وشو نعمللهم هم اولادنا ما يموتوا .
ام العبد : قولتك هم اولادنا يلا اعمل .
ابو العبد : بدي قرار من سيدي مشعل ومشعل بدو قرار من سوريا وايران قصة بدها وقت .
ام العبد : ول ول ليش سوريا وايران ، هم في كل صغيرة وكبيرة بتدخلوا .
ابو العبد : انتي هبلة وما بتفهمي بالسياسة .
ام العبد : طيب فهمني يا زوج الهبلة .
ابو العبد : الخير اللي انتي فيه الان من وين ورثاه عن اللي خلفك لا طبعا كله من ورا سوريا وايران .
ام العبد : اااااااخ يا ابو العبد بدنا نقب على وجه الدنيا واسافر واشتري غراض من بره كل نسوان الوزرا بالعالم بيتسوقوا من شارع الشنزلزيه بباريس ومحلات هارودز بلندن الا انا بتسوق يا من سوق فراس او سوق الشجاعية .
ابو العبد : ههههههههههه هيك اتنجرتي وصرت بني ادمة وبتعرفي الاسواق العالمية .
ام العبد : وانا بحكي مع زوجة رئيس وزراء ( ) لمن كنت رئيس وزراء حقيقي قالتلي انا بتسوق من هالاسواق فرديت عليها وقلتلها انا بشتري غراضي من فراس والمرة فكرت فراس قريبة من نيويوورك ومشت القصة .
ابو العبد : خلص يا مرة زهقتيني بدي اروح اشوفلي شغلة مقعداني هين والزهار نازل يسرق من بيوت ومقرات فتح بدي اروح الحقلي حاجة اخذها من هناك .
ام العبد : طيب قول لصاحبك هذا يجوز يظب حاله كل ما بفتح الملتقى الفتحاوي بلاقي صوره مع دينا الرقاصة المصرية ولا ما بعرف مين بس واحده رقاصة
والشيطان شاطر
في سرها بتقول( بس مش اشطر منكم ) والله احنا النسوان بنهون عن فعايلكم ونجاستكم ..
ايييه ... وسرحت شويه ... وقالت .. اقوم اجهز الفطور للولاد خليهم ياكلوا
تعليق