داسوا على شمسى
وخلوا نهارى ضلم
وقالوا لقمرى أرجع
وورينى لمين حاتتظلم
وحرقوا غيطانى وسنابل
القمح مجروحه بتتألم
ودبلوا أغصان الشجر
وسقواجناينى من بير متسمم
وسرقوا رزق الغلابه
وقطعوا اللسان عشان مايتكلم
وسرقوا ياولادى حلمكم
وأمانيكم قدام عينيكم بتتهدم
اشتكوا الغلابه لكن الديابه
قالوا أحنا اللى بنأمرونتحكم
ولو مره قلت ليه دق جرس
الباب فتحت خدوك متلثم
لكن انا عارفه انى
على المصرى الأصيل غاليه
شايلنى على كتفه
وراسى فى السما عاليه
شايل على كفه روحه
وبيقول روحى فداكى وشويه
أيوه ياأمى ولادك مش نايمين
جمعوا القلوب وعلى الكتاب حلفين
يرجعوا لك بشهامه الكرامه
ومعاها أرواحنا هديه
أرجواالتثبيت
تعليق