فوق شفايفك كلمة// رومانسيات ساحر العيون
نفسى ألمس تانى أيدك
وأجرى جوا ف شوق وريدك
وأقرا كلمة فوق شفايفك
من حرفين
ب ..... ح
وفوق شفايفى كمان أتنين
ب ..... ك
مسيرهم يوم يتجمعوا
ويبقوا كلمة
القلب عليها رقص وغنى
وعاش وأتهنى
فرح قلبين الحب ضمهم
نفسى أخدك يوم ف حضنى
وأغرق ف عينك
وأموت فيهم
وآخر كلمة ينطقها قلبى
بحبك
وتكون حروفها ضامة بعضها
زى قلبى ما ضم قلبك
نفسى أجرى .....
وأنتى تجرى
ونلعب سوا ..... أمسك حبيبك
أوعى تسيبه ف الهم وحده يجرى
نفسى أقطف من فوق خدودك
وردة عطرها يعطر حياتى
كل مرة
نفسى أشرب من شفايفك
كاس شهد بطعم الخمرا
وأسكر ف حبك
وأتوه ف عينك
فى جمالك
وأحلم بأحلى جنة
جوا حضنك
نفسى أقولك .....
أنتى ياللى ..... خطفتى قلبى
ونورتى ليلى ..... يا كل عمرى
دايما تملى
عيونى ليكى متشوقة
بتندة عليكى
أمتى هتجمعى الكلمة بئة ؟؟
مع تحيات اخوكم الساحر ابراهيم
مع تحيات ساحر العيون
تعليق