في يوم جات لي (حنين) جارتي...
وسألتني..
قالت لي..ياهمس أيه اللي ممكن تخافي منه؟
سرحت بعيد....
لقتني بخاف من العتمه
من الكلب اللي ينبح في حوارينا
من الغوله
من اللي رجله مسلوخه
من مقشه الساحره الشريره
مراه الاب في الحواديت
وحدايه بتاكل عندنا الكتاكيت
وديب يعوي
لقتني بخاف من الغربه
من الوحده
من الحرمان
من الفرقه
من القسوه
من الاحزان
وهزتني ايدين حنين بكل حنان
قالت لي..ياهمس أيه ممكن تخافي منه؟؟
قلت بعزم..اللهماهو القاهر الجبار
وهو الغافر التواب
وعين حنين
كانت عارفه اني كدابه
ليه دايما الحواديت بتكون عن أشياء بتخوف....؟
وهل بتأثر في شخصيتنا بس نكبر؟؟
وبس
تعليق