انتى الغالية يا بلادى
وحبك فيا مش عادى
دا بحرك بيجرى فى عروقى
وصورتك ساكنة فى فؤادى

...بعدت ومنى قريبة
ومنستكيش فى الغيبة
وبصى فى قلبى هتلاقى
انك غالية وحبيبة

وناسك لسا فكراهم
وفاكرة ايامى معاهم
ومهما بعدت مش هنسى
سنين عمرى وياهم

وامى وابويا واخواتى
وبيتنا وشارعنا وصحابى
بشوفهم يوماتى قدامى
فى ليلى وصبحى ومنامى

وبحلم بيوم ارجعلك
يا اسكندرية واضمك
وبكل شوق هقولك
انك بجد وحشانى